Sunday, June 3, 2018

നിലാവിനെ പ്രണയിച്ചവൾ


നിലാവിനെ പ്രണയിച്ചവൾ
------------------
നിലാവിനെ
പ്രണയിച്ചവളെ
ഞാനും പ്രണയിച്ചിരുന്നു.
ആകാശം നോക്കി കിടന്നു
രാവ് പുലരാതിരിക്കാൻ
നേർച്ച നേർന്നവൾക്ക്
രാത്രികൾ വസന്തമായിരുന്നു.
പുലരിവെട്ടം കാണുമ്പോൾ,
വിഷാദത്തിന്റെ നോവ്
നെഞ്ചിലേറ്റി വെക്കും.
പിന്നെ
നീലാകാശം നോക്കി
നിലാവിനെ തിരയും.
നോക്കി നോക്കി മടുക്കുമ്പോൾ
കണ്ണിൽ കാർമേഘം കൊണ്ട്
ആകാശം രൗദ്രമാക്കും.
നിലാവിനെ
പ്രണയിച്ചവൾക്ക്
പകലുകൾ വിരഹം
തുന്നിച്ചേർക്കാനുള്ളതായിരുന്നു.
നിലാവിനെ പ്രണയിച്ചവളെ
പ്രണയിച്ചവൻ
പകലിരവുകൾ
തിരികെ കിട്ടാത്ത
അനന്ത പ്രണയത്തിനുള്ളതുമായിരുന്നു.

No comments:

Post a Comment

ഇഷ്ടമാവുമോ..,എന്തോ..? ഇങ്ങനെയൊക്കെ തന്നെയല്ലേ എഴുതി തുടങ്ങുന്നത്..? തിരുത്താനും തിരുത്തിക്കാനും നിങ്ങളൊക്കെയില്ലേ..? അഭിപ്രായം അറിയിക്കുമല്ലോ..?